Dál lea almmuhuvvon ođđa neahttasiidu mainna váhnemat sáhttet iskat leat go mánáidgárddiin doarvái bargit ja lea go daid bargiin oahppu.
Dál lea almmuhuvvon ođđa neahttasiidu mainna váhnemat sáhttet iskat leat go mánáidgárddiin doarvái bargit ja lea go daid bargiin oahppu.
Barnehagefakta.no siiddus gávnnat dehálaš dieđuid mánáidgárddiid mánnálogu, bargiid oahppoduogáža ja latnjasturrodagaid birra.
– Buot váhnemat galget sáhttit sihkarastit ahte sin mánáin lea buorre dilli mánáidgárddis. Mánáidgárdebargit váikkuhit eanemusat mánáidgárddiid kvalitehtii, ja dán rádjai lea leamaš váttis gávdnat dieđuid das galle bargi ja makkár oahppoduogáš bargiin lea, guđege mánáidgárddis. Dál gávdnojit dát dieđut ođđa neahttasiiddus, ja dát rabasvuohta lea buorrin sihke sektorii, váhnemiidda ja mánáide, dadjá Máhttoministtar Torbjørn Røe Isaksen.
Váhnemiid várás
Neahttabáiki lea ráhkaduvvon erenoamážit váhnemiid várás, vai álkit gávdnet dieđuid daid mánáidgárddiid birra gos sis leat mánát, dahje vai besset iskat makkárat mánáidgárdefálaldagat leat go áigot ohcat mánáidgárdesaji.
– Neahttabáikki bokte váhnemat álkit gávdnet dieđuid mánáidgárddiid birra nu ahte maid sáhttet leat mielde váikkuheamen kvalitehtii. Jus du máná mánáidgárddis leat unnit oahppan bargit go eará mánáidgárddiin gielddas, de berret jearrat maid jođihanjoavku ja stivra áigu dáinna dahkat. Dáinna lágiin sáhttet váhnemat váikkuhit dasa ahte mánáidgárddiin šaddá vel buoret kvalitehta, dadjá Røe Isaksen.
Logut maid Barnehagefakta ovdanbuktet, leat dat maid mánáidgárddit ieža rapporterejit jahkásaččat. Dáid leat gielddat, fylkkamánni ja SSB dárkkistan.
Oahpahusdirektoráhtta dat lea ráhkadan neahttabáikki Máhttodepartemeantta ovddas.
