Davvi-Norgga SeastinBáŋku (SNN) almmuha ođđa bálvalusa odne ja dál sáhtát iežat jienain maid sáddet ruđa nubbái. Bálvalus lea vuosttaš dakkár bálvalus Norggas.
Davvi-Norgga SeastinBáŋku (SNN) almmuha ođđa bálvalusa odne ja dál sáhtát iežat jienain maid sáddet ruđa nubbái. Bálvalus lea vuosttaš dakkár bálvalus Norggas.
Álgovuorus sáhtát sáddet ruđa iežat konttuid gaskkas, muhto mihttu lea ovdánahttit bálvalusa nu ahte sáhtát máksit ja sáddet earáide ruđa.
– Báŋkkut šaddet eanet digitála ja mii bargat čađat gávdnat vugiid movt sáhttit geavahit teknologiija mii álkidahttá min kundáriid árgabeaivvi, muitala SNN konsearnadirektevra Ronni-Møller Pettersen.
Álki sáddet ruđa mánáide
Ođđa bálvalusas diktá iPhone sárdnunstivrejuvvon assisteanta Siri sáddet ruđaid iežat konttuid gaskkas mobilbáŋkkus.
Go leat aktiveren bálvalusa, de sáhtát sihtat Siri sáddestit 500 ruvnno iežat seastinkontui, dahje saddestit 200 ruvnno iežat máná kontui.
– Sáhttá leat ávkkálaš bearrašii geain lea oktasaš konttut, ja jus jođánit dárbbaša sáddet ruđa mánnái dahje beallelažžii. Mihttu lea ovdánahttit bálvalusa nu ahte sáddet bálvalusaid ovddas máksit dušše jietnageavahemiin, muitala Møller-Pettersen, ja čuoččuha ahte bálvalus sáhttá lea ávkin boarrásiidda ja kundariidda geain lea heajos oaidnu.
Bálvalus doaibmagoahtá geassemánu 27.beaivvi rájes ja appa gávdno AppStores. Dus ferte leat iOS 10 dahje ođđaset operatiivavuogádat mobiltelefuvnnas.
