-Almmuhus-
-Almmuhus-
OĐĐASATDál sáhtát fas ohcat doarjaga báikkálaš johtolatsihkarvuođadoaimmaide

Dál sáhtát fas ohcat doarjaga báikkálaš johtolatsihkarvuođadoaimmaide

Neahttaredaktevra

-

-

2019:s juohká Johtolatdepartemeanta njeallje miljovnna báikkálaš johtolatsihkarvuođadoaimmaide.

– Báikkálaš johtolatsihkarvuođabarggut leat hui dehálaš oassi obbalaš johtolatsihkarvuođa nannemis. Doarjjaortnet galgá veahkehit nannet báikkálaš johtolatsihkarvuođabargguid maid eaktodáhtolaš organisašuvnnat, berosteaddjejoavkkut, gielddat ja eará báikkálaš aktevrrat dahket, dadjá johtolatministtar Jon Georg Dale preassadieđáhusas.

2019:s juohká Johtolatdepartemeanta njeallje miljovnna báikkálaš johtolatsihkarvuođadoaimmaide.

Ohcanáigemearri lea cuoŋománu 1. beaivvi 2019:s.

 

Dehálaš

Norgga johtolatsihkarvuođa nannemis lea ovttasbargu vuođus, čállá departemeanta preassadieđáhusas.

– Báikkálaš doaimmat leat hui dehálaččat jus mii fárrolaga galgat nagodit geahpedit jápmin- ja roasmmehuvvanloguid johtolagas, čállá departemeanta.

Buohkat, geain lea buorre báikkálaš prošeakta, ávžžuhuvvojit ohcat doarjaga.

 

Árvvoštallan

Go árvvoštallet ohcamiid, de deattuhuvvojit čuovvovaš bealit:

  •  Lea go doaibma ávkin olahit našuvnnalaš mihtu ahte geahpedit jápmin- ja roasmmehuvvanloguid johtolagas.
  •  Ohcciin ferte leat máhttu báikkálaš johtolatsihkarvuođa hástalusaid ja dárbbuid birra, ja sis ferte leat áddejupmi das makkár ulbmiljoavkkuide dahje lihkohisvuođaide doaibma heive.
  • Deattuhuvvo maid ahte lea go prošeakta vuođđuduvvon máŋgga aktevrra ovttasbargui.
  •  Doaimmat mat leat heivehuvvon mánáide ja nuoraide, vuoruhuvvojit, nu maiddái doaimmat mat stimulerejit eaktodáhtolaš barggu.

 

Buohkat sáhttet ohcat

Departemeanta čállá muđuid ahte buohkat sáhttet ohcat doarjaga. 

Doarjjaortnet dattetge ii leat álgoálggus oaivvilduvvon ruhtadit bálkágoluid, dábálaš doaimma ja hálddašeami. Dat ii ge leat oaivvilduvvon stuorát gielddalaš prošeavttaid ruhtadeapmái.

– Danne vuoruhit dihto báikkálaš doaimmaid mat dagahit ahte ortnega ulbmilat olahuvvojit, čállá departemeanta.

-Almmuhus-