Gii du mielas ánssáša áŋggirdeaddjebálkkašumi?
Olgoáibmodoaimmaid áŋggirdeaddjebálkkašupmi geigejuvvo dán jagi olbmui dahje organisašuvdnii gii/mii lea bidjan ollu návccaid olgoáibmoeallimii. Dál lahkona áigemearri nomineret kandidáhtaid Finnmárkkus dán jagáš áŋgiruššamii.
Diibmá lei Johan Grell Hámmerfeasttas gii oaččui Finnmárkku olgoáibmodoaimma áŋggirdeaddjebálkkašumi.
Bálkkašupmi olgoáibmoeallima áŋgiris olbmuide galgá juhkkojuvvot jahkásaččat. Dál lea áigi evttohit kandidáhtaid dán jagáš bálkkašupmái.
– Mii ohcat kandidáhtaid geat leat bidjan ollu návccaid min lagasbirrasa olgoáibmodoaimmaide. Muhtumiid lea lunddolaš gudnejahttit guhkes ja nana árjja ovddas. Earáid lea dehálaš movttiidahttit áŋgiruššat viidáseappot olgoáibmodoaimmaiguin, rumašlaš lihkademiiguin ja luondduvásáhusaiguin, čállá Finnmárkku Olgostallanráđđi iežaset neahttasiiddus.
