Finnmárkulaččaide šaddá hálbbibun ja álkibun murret.
Finnmárkulaččaide šaddá hálbbibun ja álkibun murret.
Dássážii lea ferten ohcat juohke jagi lobi, jus Finnmárkkuopmodaga (FeFo) eatnama alde áigu murret.
FeFo stivra lea dál mearridan ahte dás rájes addo lohpi golmma jahkái, ii ge dušše ovtta.
Dan dieđiha Finnmárkkuopmodat preassadieđáhusas.
– Go golmma jahkái oažžu lobi, de šaddá hálbbibun ja álkibun einnostit juohkehažžii gii ieš háliida murret, lohká Finnmárkkuopmodaga meahcceossodaga jođiheaddji Einar J. Asbjørnsen.
Galgá álkit ja hálbbit
FeFo juolludii 1068 murrenlobi 2016:s. Logi jagi ovdal juolludii 2796 murrenlobi.
FeFo árvvoštallá ahte murrenlogut leat njiedjan go elrávdnji lea hálbon.
Vaikko lea nu, de leat olu finnmárkulaččat geat háliidit ieža murret.
Ođđa ortnet unnida FeFo dietnasa ovtta ládje, muhto obbalaš mihttu lea ahte galgá hálbbit, álkit ja unnit byrokratiija go galgá murrenlobi ohcat.
– Dát buktá buori sihke geavaheaddjái ja eanaeaiggádii, go maiddái jahkásaš hálddašeapmi geahpiduvvo FeFo bealis, lohká Asbjørnsen.
