Ođđajagimánus šattat máksit 5000 ruvnno jus válddahalat mobiilatelefovnna čuoggumis vuojidettiin.
Johtalusdepartemeanta lea mearridan rievdadit johtolatlága njuolggadusaid.
Dassážii lea láhka leamaš ahte oažžu guokte čuoggá vuodjinkortii ja sáhkohallá 1700 ruvnnuin jus čuoggu mobiilatelefovnna vuojidettiin biillain.
Ođđajagimánu 1. beaivvi rájes bohtet ođđa láhkanjuolggadusat earret eará mobiilatelefovnnaid ektui. Jus čuokkut mobiilatelefovnna vuojedettiin de addá dat golbma čuoggá vuodjinkortii ja sáhkku lassána 5000 ruvnno rádjái, dieđiha Johtalusdepartemeanta.
