Finnmárkku fylkkadiggi mearridii dán vahkkus ahte Finnmárku galgá oassalásttit našunála givssidanáittárdeaddjiortnegii, man mielde buot gielddain galgá leat givssidanáittardeaddji.
Finnmárkku fylkkadiggi mearridii dán vahkkus ahte Finnmárku galgá oassalásttit našunála givssidanáittárdeaddjiortnegii, man mielde buot gielddain galgá leat givssidanáittardeaddji.
Oahpahuslágas §9A ásahallá skuvllaid geatnegasvuođaid givssidanáššiin.
Dán paragráfas čilge earret eará ahte buot ohppiin lea riekti oadjebas ja buori skuvlabirrasii mii ovddida dearvvašvuođa, loaktámuša ja oahppama.
Ožžot iežaset rivttiid
Givssidanáittardeaddji galgá doarjut ja bagadallat mánáid, ohppiid ja váhnemiid nu ahte sii ožžot áimmahuššat iežaset rivttiid buori birrasii mánáidgárddis ja vuođđoskuvllas.
Dasa lassin galgá givssidanáittardeaddji maiddái váikkuhit ahte oahppit ja fidnooahppit ožžot daid rivttiid maid galget joatkkaoahpahusas.
Ovttajienalaš
Sihke gelbbolašvuođa váldolávdegoddi ja fylkkagielda ovttajienalaččat mearridedje ahte givssidanáittardeaddji ortnet galgá ásahuvvot Finnmárkui (ášši 9/18 geassemánu 5. beaivvi 2018 ja ášši 20/18 geassemánu 20. beaivvi 2018).
Finnmárkku fylkkagielda áigu váldit buot daid ekonomalaš geatnegasvuođaid maid dat ortnet buktá. Dán dieđiha Finnmárkku fylkkagieldda preassadieđáhusas.
