-Almmuhus-
OĐĐASATDál ožžot diibmo­bealis dieđu lea go njommon covid-19

Dál ožžot diibmo­bealis dieđu lea go njommon covid-19

-

-

Ohcejogas ja Gáregasnjárggas ožžot dás rájes diibmobealis dieđu lea go njommon covid-19 dávda.

Ohcejoga gielddas leat váldon atnui jođánis iskanvuogit covid-19 koronavirusinfekšuvnna diagnoseremis. Jođánis iskosa boađus gárvvásmuvvá sullii diibmobealis. Jođánis iskosat váldojuvvojit dušše pasieanttain geain leat makkár nu dávdamearkkat, čállá Ohcejoga gielda sin ruovttusiiddus.

Iskkahit iežas sáhttá sihke Ohcejoga dearvvasvuođaguovddážis ja Gáregasnjárga dearvvasvuođadálus. Rájáid rasttildeaddjit, geain eai leat dávdamearkkat, iskojuvvojit pcr-iskosiin.

Iskkat dalán go dávdamearkkat ihtet!

Suoma koronastrategiija mielde olmmoš galgá válddihit iskosa dalán jus dávdamearkkat ihtet, vai vejolaš koronainfekšuvnnat gávdnojit nu árramuttus go vejolaš.

Covid-19 koronavirusinfekšuvnna dávdamearkkat leat earret eará oaivebávččas, hádja- ja máhkoáiccu hedjoneapmi, feber, nuorvu, gosahat dahje vuoigŋanváttisvuođat, deahkkebákčasat, čottabávččas, illáveadjin, vuoksin ja luhčadávda.

-Almmuhus-