Disdaga álggahuvvoi fas njuikunbáddegilvu dearvvašvuođa ovddas man Dearvvašvuođa Našunálasearvi lágida, ja sullii bealli riikka mánáidskuvllain leat mielde gilvvus.
Disdaga álggahuvvoi fas njuikunbáddegilvu dearvvašvuođa ovddas man Dearvvašvuođa Našunálasearvi lágida, ja sullii bealli riikka mánáidskuvllain leat mielde gilvvus.
Finnmárkkus servet 1765 máná 36 skuvllas «Hopp for hjertet» (njuikko váimmu ovddas), vai árgabeivviid skuvllas eanet lihkadit.
– Lea šaddan eanet áigeguovdilin movttiidahttit eambbo lihkadit skuvlaárgabeaivvis. Gilvvus ožžot oahppit álkis fálaldaga, ja seammás muittuhit skuvllaid man dehálaš lea lihkadeapmi sihke dearvvašvuođa dihte ja oahppama dáfus, muitala Dearvvašvuođa Našunálasearvvi generálačálli Lisbet Rugtvedt.
Diimmu beaivvis
Lea šaddan stuora hástalussan go unnit lihkadit Norggas, maiddái nuorra olbmot. Fysalaš lihkadeapmi lea dehálaš vai hehtte eallindáhpebuozalmasvuođaid, dasa lassin ahte sáhttá buoridit oahppama skuvllas ja sosiála birrasa klássalanjas.
– Mii oaivvildit ahte galggašii leat geatnegasvuohta diimmu lihkadit juohke beaivvi ohppiide juohke luohkás, dadjá Rugtvedt.
– Lea buorre go ná ollu skuvllat leat mielde dán doaimmas. Dál njuikot 100 000 máná miehtá riikka. Lea hui álkis ja somás lihkadandoaibma, ja das lea dehálaš diehtu, muitala Rugtvedt. Njuikungilvu álgá cuoŋománu 26. beaivvi ja bistá gitta miessemánu 11. beaivvi rádjái.
Mánáid ávžžuhit lihkadit unnimusat diimmu juohke beaivvi. Agiid mielde lea lihkadeapmi ná dál:
6-jahkásaččat: 87 proseantta nieiddažiin ja 96 proseantta bártnážiin
9-jahkásaččat: 70 proseantta nieiddažiin ja 86 proseantta bártnážiin
15-jahkásaččat: 43 proseantta nieiddažiin ja 58 proseantta bártnážiin
