-Almmuhus-
-Almmuhus-
OĐĐASAT Dál leat vuolgán Álttás

Dál leat vuolgán Álttás

-

-

31 beanaráiddu leat dál  bearjadat eahkeda vuoddján Álttás vuodjit guhkimus gaskka Finnmarksløpet gilvvuin.

Sii galget vuodjit Álttás Girkonjárgii ja fas ruovttoluotta, ja lea rehkenaston sii ádjánit vahkku.

Vuosttaš bisánanbáiki lea Guovdageaidnu.

Diimmá ja 2016 vuoiti, ruoŧalaš Petter Karlsson lea okta garra gilvaleddjiin, vaikko Femundløpes ii mannan ge nu bures dán jagi.


DIIMMÁ VUOITI: Ruoŧalaš Petter Karlsson vuittii diibmá, movt manaš dán jagi. Mokta lei ge buorre go vulggii Álttás. Govva: Marit Elin Kemi

 

Muđui namuhit lágideaddjit maid Alaska vuoddji Dallas Seavey stuora oiddohin, gii diibmá bođii goalmmádin ja gii maid máŋgii lea vuoitán Iditarod beanagilvvuid.


VUORDÁMUŠAT: Sutnje leat vuordámušat, Alaska beanavuoddjái Dallas Seavey. Leahttu goit lei vuolggabáikkis juo. Marit Elin Kemi

Ola Brennodden Sundes jáhkket ges buoremus beanaráiddu.

Norgalaš Petter Jahnsena, gii vuittii 2017, maid namuhit garra gilvaleaddjin. Muđui namuhit maid Thomas Wærnera leat okta dain buot sávrrimusain, ja Marit Beate Kasin, vaikko diibmá šattai botket. Maiddái Birgitte Næss, Kristian Walseth ja Arnt Ola Skjerve galget leat buoremusaid gaskkas.

Lávvordaga beaivet vulget ges FL500 ja FL Junior gilvaleaddjit Álttás.

 

 

 

 

 

 

 

 

- Advertisement -
-Almmuhus-