-Almmuhus-
SMÁVVAOĐĐASAT– Dál leat dievva njálgga šattut luonddus 

– Dál leat dievva njálgga šattut luonddus 

-

-

Norges Sopp- og Nyttevekstforbund dieđiha ahte dál giđđat lea vejolaš gávdnat olu šattuid luonddus maid sáhttá borrat. 

Varas Ipsos-iskan čájeha ahte 48 proseantta norgalaččain lea viežžan luonddus borahahtti šattuid, earret guobbariid ja murjjiid. Norsk Friluftsliv dat lea áŋgiruššan iskosa, mii lea ge daid 18 olgunastinorganisašuvnnaid oktasašorganisašuvdna.

– Logut čájehit ahte bealli jerron olbmuin muitalit sii leat čoaggán luonddušattuid ja liđiid, ja olusat leat dan dahkat máŋgii. Orru leamen ahte nissonolbmot ja boaresolbmot dávjjimusat čogget daid, lohká váldočálli Bente Lier. 

Norges sopp- og nyttevekstforbund (NSNF) beaivválašjođiheaddji Pål Karlsen dadjá vaikko eanaš oassi sin miellahtuin leat rávis olbmot, de leat iešguđet ahkásaččat maid fuomášišgoahtán ahte luonddus sáhttá viežžat borramuša, maiddái gávpotolbmuin lea beroštupmi lassánan. Son muitala NSNF miellahtulohku lea lassánan logiin proseanttain ja dál leat sis 6.300 miellahttu searvvis. Son muitala ahte restoráŋŋat Norggas maid ávkkástallet luonddu.

Loga maid:
Ohppe báidnit duodjeávdnasiid šattuiguin

Loga maid:
Duođaštan mátta­sámi dálkkodan­šattuid ja -vieruid 

-Almmuhus-