-Almmuhus-
OĐĐASATDál leat buot skohter­láhtut gidde­juvvon

Dál leat buot skohter­láhtut gidde­juvvon

-

-

Beaivvi maŋŋel go Guovdageainnu skuterláhtut giddejuvvojedje,  de oaččui suohkan dieđu stádahálddašeaddjis ahte eai mieđit doallat šat rabasin skuterláhtuid.

Dábálaččat giddejuvvojit skutermáđiijat miessemánu 5. beaivvi diibmu 00.01 gaskaija.  Guovdageainnu suohkan lei, nu go ovddit jagiid, ohcan beassat guhkit doallat rabasin skutermáđijaid. Suohkan oaččui lobi doallat láhtuid rabas miessemánu 11. beaivvi rádjai.

Suohkan lei vel ohcan doallat muhtun mađiijaid rabasin miessemánu 17. beaivvi rádjai. Stádahálddašeaddjis bođii reive miessemánu 12. beaivvi, beaivvi maŋŋel go visot máđiijat giddejuvvojedje, ahte eai beasa doallat ovttage mađiija rabasin.

Guovdageainnu suohkan lei ákkastallan ahte lea vuos olu muohta Guovdageainnus ja  ahte muohttaga dáfus lea vejolaš doallat mađiijaid rabasin guhkit go miessemánu 11. beaivvi rádjai.

Tromssa ja Finnmárkku stádahálddašeaddji ii váldán vuhtii ákkastallama. Sii čujuhit ahte lea asehis muohta, ja muhtun sajiin jekkiin ii oba guotte ge muohta. Dasa lassin čállet ahte sihke bohccot ja eará eallit dárbbašit ráfi juste dál, guottetáigge.

 

-Almmuhus-