Leat badjel 1 600 registrerejuvvon luossasaji Finnmárkkuopmodagas.Ohcanáigi ohcat luossasaji luossabivdui mearas lea juovlamánu 1. beaivve, dieđiha Finnmárkkuopmodat.
Váldoeaktun oažžut luossasaji lea ahte ohcci orru bissovaččat gielddas ja dasa lassin ferte ohcci deavdit juollodangáibádusat mat FeFo stivra lea mearridan.
Leat vuosttažettiin sii geat doaimmahit vuođđoealáhusa geat ožžot luossasaji.
Dan maŋŋil juolluduvvojit luossasajit spiehkastatmearrádusa vuođul.
Buot gieldda luossasajit almmuhuvvojit rabasin juohke goalmmat jagi.
Juolludeami bistináiggit leat iešguđetláganat jagis golmma jahkái, sorjaváš goas ozat.
Gielddain mat galget ođastuvvot sáhtát ohcat buot luossasajiid, ja eará gielddain sáhtát fas ohcat rabas luossasajiid.
Ovddasvástádussuorggit
| FeFo juolluda luossasajiid Finnmárkkuopmodagas. |
| Guolásteaddji registrere luossasaji mearrasálašregistarii ja máksá guolásteaddjidivada. |
| Fylkkamánni registrere luossasajiid ja organisere mearrasálašregistara ja sádde bivdobeaivegirjji. |
| Birasdirektoráhtta mearrida njuolggadusaid ja bivdináiggiid. |
| Statistihkalaš Guovddášdoaimmahat (SSB) ráhkada sálašstatistihkaid. |
