-Almmuhus-
-Almmuhus-
GUOIMMUHEAPMI Dál lea áigi Báhččis álgit hábmet iežas niehkoboahtteáiggi

Dál lea áigi Báhččis álgit hábmet iežas niehkoboahtteáiggi

-

-

FIERCA

21/3-19/4

Dál galggat guldalit earáid oaiviliid. It galgga oaččuhit earáid bargat juste dan maid don háliidat.

Dohkket dilálašvuođa ja bargga seamma leahtuin ja vugiiguin go earát.

Ii leat dárbu čađahit doaimmaid nu mo du mielas lea riekta, muhto deháleamos lea gárvvistit bargguid.

VUOKSÁ

20/4-21/5

Leage dat maid dilálašvuohta gáibida.

Gávnnat mii váilu, ja geahččal deavdit ráiggiid, vai ollislašvuohta doaibmá. Leage nu máškit ja heivvolaš go vejolaš.

Ovttasbargu ja áicilvuohta boahtá leat stuorra veahkkin. De sáhtát oaidnit mii geavvá, ja nagodat leat rievttes sajis rievttes áigái.

Jus dan nákcet, de olahat buriid bohtosiid.

JUMEŽAT

21/5-21/6

Máilbmi dárbbaša du hutkáivuođa ja attáldaga gávdnat čovdosiid.

Máhcas sojiid ja searvva bargguide. Ale bala bargamis beare olu.

Jus geavahat iežat hutkáivuođa ja nákcet iluin ovttasbargat ja bargat earáid ovddas, de oaččut olu návccaid.

Jus doalahat iežat olggobealde ja geahččalat garvit bargguid, de šaddá duppalit nu lossat ja bargu maid lassána.

REABBÁ

22/6-22/7

Dál lea vejolaš olahit dan maid sávat. Dat gáibida ahte don leat dárkil ja ahte čájehat maid don árvvus anát.

Ii leat dehálaš doibmet olu oanehis áiggis, muhto baicca kvalitehta, ráhkisvuođa ja dárkilvuođa barggus.

Lea dehálaš juogadit jurdagiid ja dovdduid earáiguin. Dat guoská sihke persovnnalaččat ja barggu oktavuođas.

Leage rehálaš, ja dilli buorrána.

LEDJON

23/7-22/8

Dál it galgga nu olu áiggi bidjat servvoštallamii, muhto baicca dovdat maid duođai árvvus anát.

Liikká it ábut vajálduhttit iežat geatnegasvuođaid dahje doaimmaid maid leat bidjan johtui.

Doaimmat bargguid ja deavdde dan rolla maid leat váldán badjelasat, muhto muitte leat rehálažžan iežat vuostá.

Jus vikkat earáhuhttit iežat, de gal jođánit váibbat ja dolkkat. Danne: Divtte leat.

BUHTISNIEIDA

23/8-22/9

Dál lea jierpmálaš čuovvut áigumušaid.

Jus geavahat dušše jierpmálašvuođa ja logihka, de gal sáhttá jođánit šaddat láittas ja lossat.

Jus geavahat geabbilis ja doaibmi vugiid go čuovut áigumušaid, de sáhttá šaddat oalle somá.

Go bijat návccaid bargui, de dat mielddisbuktá buriid bohtosiid.

VIEHKAT

23/9-22/10

Geavat iežat dáhtu. Čuoččo stargadit jus hástalusat čuožžilit.

Vuosteháhku ii leat das vai don galggat vuosttaldit, muhto baicca ráhkkanahttet du eallimii.

Jus dovddat ahte leat roasuid siste, de don leat hásttuheame earáid.

Leage starggas go čuovut iežat árvvuid. Divtte earáid maid dahkat dan seamma.

SKORPIUVDNA

23/10-21/11

Dán vahkku galggat álggahit bargguid maid dieđát galget dahkkot.

Ale divtte earáid bissehit iežat. Don boađát vásihit geahččalusaid.

De leage dehálaš ahte don čuovut dan maid dieđát lea riekta.

Ráhkis buot maid don ráhkistat beroškeahttá maid earát oaivvildit. Don leat dat áidna gii dieđát mas lea duođai mearkkašupmi dutnje.

BÁHČČI

22/11-21/12

Áiggut go hábmet iežat niehkoboahtteáiggi, de lea dál áigi álgit.

Buoremus lea dahkat dan dárkilvuođain.

Dat váldá guhkes áiggi, ja don fertet bidjat olu návccaid dasa. Ale álggat juoga maid it nagot ollašuhttit.

Muhto jus lea juoga masa sáhtát ja nagodat bidjat buot du návccaid, de lea dál hui buorre áigodat álggahit doaimma.

Jorgalahte nieguid duohtavuhtii.

BÁKTEBOHKKÁ

22/12-19/1

Váldde badjelasat jođiheami.

Fátmmas doaimma ja jođe dan guvlui gosa háliidat. Dat guoská sihke du bargo- ja priváhtaeallimii.

Ale bala čájeheames earáide du ambišuvnnaid ja višuvnnaid.

Mađi dávjjit don humat iežat plánaid birra, dađi eambbo inspirašuvnna oaččut čađahit daid.

Don it sáhte dahkaluddat go vuos leat dadjan ahte áiggut juoga olahit. De fertet doalahit dan maid leat dadjan.

ČÁHCEOLMMÁI

Ale váldde nu lossadit jus máilbmi, don ieš dahje earát eai olát vuordámušaid.

Jeđđe baicca iežat dainna ahte lea buorre go olbmos leat alla vuordámušat.

Vaikko ii álo nagot ollašuhttit daid, de ii liikká dárbbat beahtahallat.

Soaitá ahte olmmoš liiko bidjat vuordámušaid, vai lea juoga man guvlui gizzu.

De ii šatta ulbmil ollašuhttit visot, muhto baicca eanemus lági mielde.

Lea deháleabbo geahččat mo don leat olmmožin barggadettiin, ovdalii go ollašuhttit buot gáibádusaid.

GUOLIT

19/2-20/3

Dus leat resurssat maid it oba diehtán ge. Geavat daid go dárbbašuvvo.

Soaitá ahte dárbbahat eambbo návccaid dál  go leat gártan váttisvuođaide.

Dus soitet maid beare olu doaimmat jođus ahte dárbbahat čoaggit eambbo vuoimmi vai nákcet doaibmat.

Jus ráhkistat, de galggat dan dahkat olles váimmuin.

Ale beroš maid earát dadjet ja jurddašit.

Don dat bijat rájáid ja dovddat mii lea deháleamos dutnje.

Horoskopa ráhkadan: Atle Skretting, astrologa, NTB

- Advertisement -
-Almmuhus-