-Almmuhus-
-Almmuhus-
SMÁVVAOĐĐASATDál ilbmá ođđa Š-bláđđi

Dál ilbmá ođđa Š-bláđđi

-

-

Ođđa nuoraidmagasiinnas lea olu kultuvrralaš sisdoallu. 

Š-bláđđi sáddejuvvo nuvttá Norgga skuvlanuoraide geain lea sámegiella skuvlafágan. Ođđa nummiris besset lohkat olu kulturáššiid. 

Gárasavvonlaš Ingá Máiiá Blind (20) lea lávlon mánnávuođa rájes ja ráhkista musihka. Dál son lea maiddái lávken teáhterlávdái. Son lea neaktán «Seaibenásti ja Šelgesnáti» čájálmasas ovttas neavttárustibiin Takakehto Charlesain.

IDJA Sámi Club Night dahká comebacka. Dál lea IDJA sierra organisašuvdna ja áigu lágidit konsearttaid.

Elle Rávdná Näkkäläjärvi (20) lea sámi ofelaš ja lea gieskat leamaš sámi paviljongas Venezias. Dán nieiddas leat maid olu eará doaimmat ja son áŋgiruššá politihkas. Son lea Sámedikki nuoraidpolitihkalaš lávdegotti (SáNuL) ođđa jođiheaddji, ja lea dasa lassin NSR nuoraidstivrra várrelahttu.

Ođđa bláđis vástida maid nuoraidmagasiinna divššár Ánne-Hedvig gažaldagaide. 

Š almmuhuvvo njeallje gearddi jahkái ja sáddejuvvo 1334 nurrii 76 iešguđetge skuvllain. Boahtte Š almmuhuvvo golggotmánus. 

-Almmuhus-