Maŋŋel ođđajagimánu 1. beaivvi ii lea šat lohpi dolastit dábálaš buollinoljjuin Norggas.
Liikká sáhttet 20 000 oljobuollinuvnna ain leat doaimmas. Nu čállá NTB preassadieđáhusas.
– Sáhttet nu olu go 20 000 uljubuollinuvnna ain leat doaimmas, muhto mii doaivut ahte unnot, dadjá Enova márkanhoavda Gunnel Fottland NRK:i.
Ođđa gielddus lea boahtán go galget unnidit nuoskkideami.
Ráđđehus lohká gildosa dagahit ahte nuoskkideapmi unnu 340 000 tonnain CO2 jahkásaččat áigodagas 2016–2035. Dat lea seamma olu go buot biillat luitet olles Oslos.
Buohcceviesut, gos lea pasieantadikšu ijabeivviid la eanandoalu doaibmahuksemat leat ožžon maŋiduvvot gildosa ođđajagemánu 1 beaivái 2025. Dalle fertejit sii maid molsut rusttegiid.
Astoáigeviesuide mat eai leat čadnon elrávdnjái ii dat gielddus guoskka.
