-Almmuhus-
OĐĐASATDál ii dárbbaš šat goarta burssas

Dál ii dárbbaš šat goarta burssas

-

-

Dál sáhtát dan baicca viežžat digitála hámis iežas mátketelefovdnii. 

Golggotmánu 1. beaivvi rájes lea vejolaš viežžat mátketelefovdnii iežas biilavuodjenkoartta digitála hámis, čállá Johtolatdepartemeanta preassadieđáhusas. 

– Ođđa digitála biilavuodjenkoarta lea ollislaš ja danin ii dárbbaš šat fievrridit fysalaš biilavuodjenkoartta iežas fárus. Dát álkida biilavuddjiid árgabeaivvi go eatnašiin han lea mátketelefovdna fárus juohke sajis. Dasa lassin ožžot eiseválddit ja bearráigeahččit ođđaseamos dieđuid mat gusket olbmo biilavuodjenkortii, dadjá johtolatministtar Jon Georg Dale. 

Stáhta geaidnodoaimmahat dat almmuha digitála biilavuodjenkoartta ja sii leat ge máŋga jagi bargan dainna. Norga lea okta vuosttaš Eurohpá riikkain mii váldá atnui digitála biilavuodjšnkoartta. Biilavuoddjit eai leat geatnegahtton viežžat dan iežaset telefovdnii ja buohkaide sáddejuvvo ain biilavuodjenkoarta fysalaš hámis. Olgoriikkas gal ferte biilavuodjenkoarta fárus, doppe ii leat digitála biilavuodjenkoarta ollislaš. 

Jus háliidat biilavuodjenkoartta digitála hámis, de sáhttá dán viežžat sihke Google Playas ja App Stores. 

-Almmuhus-