Fargga it galgga šat dárbbašit geavahit máŋga iešguđetge áppa vai beasat láddet elbiilla. Golggotmánus mearrida EU ahte galggat beassat geavahit ovtta áppa buot jođánisláddenstašuvnnain miehtá Norgga ja EU.
– Geavaheddjiide lea stuora vuoitu oažžut buoret láddema. Norga berre dál mannat ovddemussii rabas jođánisláddemis ja sisafievrridit dan boahtte jagi rájes juo, dadjá Thor Egil Braadland, NAF eiseváldioktavuohta.
EU-mearrádus gáibida ahte láddenoperatevrrat rahpet «e-roamingii», mii praksisas mearkkaša ahte sáhtát geavahit favorihtta-láddenáppa máksit láddema ovddas buot elbiilla jođánisláddenbáikkiin.
– Dat lea stuora lávki ovddasguvlui elbiilavuddjiide. Dál lea juohke jođánisláddenoperatevrras sierra áppa, mii dagaha ahte ládden lea moalkái. EU dadjá ahte dat galgá sisafievrriduvvot maŋimuš 2027 rájes, ja Norga čuovvu EU, muhto dál go dihtet mii boahtá, de ii leat sivva manin galget vuordit dassá go rahpet e-roamingii, dadjá Braadland.
