Namma: Risten Marja Anne Gaup
Ahki: 21
Guovlu: Guovdageaidnu
Bargu: Studeanta, muhto ruovttus mánáin juste dál
1. Mii lei Mari Boine vuosttaš skearru namma?
– Hmm, lei go son dat Goaskinviellja. Boastut!
Rievttes vástádus: Jaskatvuođa maŋŋá.
2. Gos juoigi Inga-Máret Gaup Juuso
lea eret?
– Gárasavvonis. Riekta!
3. Joatkke diidda: «Jus bohccuid
niegada …»
– … dalle boahtá borga. Riekta!
Go Gaup ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.
Gaup vállje rukses ivnni, ja mii jearrat sus dán árvalusa:
Mii lea dát: Dat lea gávvut guoros, gopmut dievva?
– Gahpir. Riekta!
Galle čuoggá oktiibuot: 17 čuoggá
Juohke gilvaleaddji beassá hástalit ođđa gilvaleaddji Ávvira geassegilvui. Risten Marja Anne Gaup hástala iežas irggi Per Jonas Sara searvat gilvui.
