-Almmuhus-
OĐĐASAT– Dál gal issorasat doarggistan

– Dál gal issorasat doarggistan

-

-

Nu logai 51-jahkásaš Elin Karlsen Báhcavuonas eret, ja beasai loahpas ávvudit go vuittii 3,2 miljovnna ruvnno Jokeris.

Joker-vuoitu lei lassánan 3,2 miljovnna ruvdnui mannan Joker-vuorbádeami rájes. Elin Karlsen beasai leat Joker-gilvaleaddjin ja son vuittii olles 3,2 miljovnna ruvnno. Son lei ieš mielde sáddagis mas oaččui mearridit stuorát dahje unnit loguid.

 

Logai iežas doarggistit

Báhcavuona nisu lei álggos veahá eahpesihkar go Hamaris riŋgejedje sutnje muitalit ahte son lea vuorbáduvvon Joker-kandidáhttan ikte eahket.

– Lea go mu ránnjá gii dál leaikkastallá muinna? jearralii son.

 

Go de ipmirdišgođii ahte leat duođas sutnje riŋgen de logai:

– Dál gal issorasat doarggistan.

 

Elin speallá soames háve, ja lei su vuosttaš kupoŋŋa maid lei sádden sisa.

– Láven soames háve speallat, ja ledjen jur soaittáhagas sádden sisa kupoŋŋa, lohká vuoiti.

 

Go Norsk Tipping jearrá sus áigu go ávvudit odne, de vástida vuoiti ahte dušše biebmorámbuvra lea rabas dál, nu ahte das finihit oastime herskkuid.

-Almmuhus-