-Almmuhus-
-Almmuhus-
OĐĐASAT Dál fertet vuoššat juhkančázi Guovdageainnus

Dál fertet vuoššat juhkančázi Guovdageainnus

-

-

Guovdageainnu suohkan sádde dieđu áhte dal fertet vuoššat čázi. Guoská siddjiide geat ožžot juhkančázi Guovdageainnu márkanbáikki čáhcerusttegis.

Guovdageainnu čoahkkebáikki juhkančázis lea ivdnelohku (fargetall) ja šaddadeaddji mikro organismmat (kimtall) badjel rávvejuvvon meriid mat leat juhkančáhceláhkaásahusas.

Alla ivdnelohku dagaha ahte sis eai leat 2 hygienalaš hehttehusa ráidnemii, juoga mii gáibiduvvo juhkančáhceláhkaásahusa § 14.

 

Sádden vuoššandieđu

Dáinna duogážiin lea ovttasráđiid Biebmobearráigeahčuin Guovdageainnu suohkan sádden vuoššandieđu siidjiide geat ožžot juhkančázi Guovdageainnu čoahkkebáikki čáhcerusttegis.

Sivvan dása lea go eatnu lea nu dulvvis, mii fas dagaha ahte suohkana čáhcerusttegii golgá govdda čáhci (overflatevann). Go eatnu coahku, áigot sii čađahit doaibmabijuid čáhcerusttega čáhce sisaváldima hárrái.

 

Kloregoahtán

Suohkan lea kloregoahtán juhkančázi Guovdageainnu čáhcerusttegis eastadeaddji doaibman. Dasa lassin váldet lassi čáhce iskosiid dárkkistan dihte ja bearráigeahččat juhkančázi kvalitehta.

Go bohtosat fas vástidit juhkančáhceláhkaásahusa gáibádusaid, heaittiha suohkan klorerema.

Čázi kloreremis eai leat váikkuhusat dearvvašvuhtii.

- Advertisement -
-Almmuhus-