Dál lea golmma geardde hálbbit doalahit šiehtadusa
– Áigumuš dainna lea váikkuhit ahte olbmot bohtet šihttojuvvon diimmuide vai eará pasieanttat eai dárbbaš dárbbašmeahttumit vuordit, dadjá Dearvvašvuođa- ja fuolahusdepartemeantta stáhtačálli Anne Grethe Erlandsen Nrk:ii.
Ođđajagimanu 1. beaivvi loktii ráđđehus bálvalusmávssu 700 ruvnnus 1050 ruvdnui. Dál lea golmma geardde hálbbit boahtit šiehtaduvvon diibmui ovdal go ii boahtit.
200 000 guorus diimmu
Ráđđehus dahket dán go logut čájehit ahte ollu olbmot eai boađe diimmuide ja dát čuohcá earáide geat leat vuordinlisttus. Dušše Stavanger buohcciviesus ledje 21 000 guorus diimmu. Jahkásaččat fas leat 200 000 guorus diimmu buohcciviesuin Norggas, sivvan lea go olbmot eai boahtán iežaset doavtterdiibmui.
Dát rievdan ii guoskka pasieanttaide geat leat psyhkalaš divššus dahje gárrenmirkodivššus.
