-Almmuhus-
-Almmuhus-
OĐĐASAT– Dál ferte vuoru­hit bargo­sajiid gádjuma

– Dál ferte vuoru­hit bargo­sajiid gádjuma

-

-

Virke varas miellahttoiskkadeapmi čájeha ahte dušše bealli gávpe- ja bálvalusealáhusain leat doaimmas. –Gádjut bargosajiid ferte leat njunušbargu ođasmahttojuvvon nationálabušeahtas mii boahtá miessemánu 12. beaivvi. 

Eanaš olbmot barget gávpe- ja bálvalusealáhusas ja eanaš oassi daid ealáhusain fertejedje giddet uvssaid njukčamánu 12. beaivvi čuovganeapmái. Miessemánu guđát beaivvi leat dušše njeallje doaimma logi doaimmas dáid ealáhusain olles doaimmas, čájeha Virke miellahtuiskkus. 

– Gávpe- ja bálvalusealáhus lea bargagoahtán juksat dábálaš dási iežaset doaimmain, muhto olu doaimmat rahčet juksat dan mađe doaimma ahte birgegohtet. Njoammuneastadandoaimmat ráddjejit, nu ahte lea váttis fas tinegoahtit. Juohke njealját logis doaimmas lohket ii leat vejolaš tinet maidege dálá njoammuneastadandoaimmaid geažil, lohká Virke hálddahuslaš direktevra Ivar Horneland Kristensen.

Juohke njealját logi Virke miellahtuin muitalit sii leat gergosat lasihit doaimmaid, muhto oastit eai leat velá gergosat doaibmagoahtit nu mo ovdal. Daid doaimmaide livčče ávki juolludit gálvojearrudoaimmaide. Kristensen lohká ráđđehus berrešii vuoruhit ođasmahttindoaimmaid. Son bivdá ráđđehusa vuoruhit bargosajiid gádjuma, gálvojearu movttiidahttit, luondduberoštumi doaimmaid.

-Almmuhus-