Duorastaga šaddá hirbmat vuollegis deaddu Davvi-Norggas mii dagaha arvvi ja lieggagrádaid, almmuhit dálkedieđiheaddjit.
Duorastaga šaddá hirbmat vuollegis deaddu Davvi-Norggas mii dagaha arvvi ja lieggagrádaid, almmuhit dálkedieđiheaddjit.
– Duorastaga ija arvigoahtá hirbmosit. Dat dagaha váttisvuođaid go dál lea stabiila dálki ja buolašceahkit. De šaddá hirbmat njalkkas olgun, muitala Meteorologalaš Instituhta dálkedieđiheaddji Ine-Therese Pedersen NTB:i.
Soavllas ja njalkkas
Dálkedieđiheaddit leat ráhkadeame váruhusa Norgga davimus fylkkaide.
– Olbmot berrejit várrogasat vuojašit. Ollu báikkiin lea muohttán, ja dál šaddá arvi ja soavllas. Alimus báikkiin gal ain muohttá ja doppe šaddá maid váttis vuodjit borggaid ja heajos oainnádaga dihte, muitala son.
Stoarbma muhtin báikkiin
Romssas ja Finnmárkkus šaddá vearrámus dálki, muhto Nordlánddas galgá maid garra biegga ja ollu arvi.
Duorastaga lea vearrámus dálki.
– Nordlánddas šaddá riđđu ja Davvi-Romssas fas stoarbma. Finnmárkkus šaddá luládat riđđu, muhto sáhttá maid šaddat stoarbma, dieđiha dálkedieđiheaddji.
Son ávžžuha olbmuid čuovvut mielde ja čatnat gitta luovos diŋggaid. Measta olles rittus Davvi-Norggas šaddet lieggagrádat.
(©NTB)
