– Bargiin Norggas galgá leat dorvvolaš bargosadji ja albma bálká- ja bargoeavttut. Mii leat vásihan ahte nu ii leat buohkaide, earret eará johtolatsuorggi bargiide. Mii bovdet dál bargiid, fágaservviid ja johtolatsuorggi buktit jurdagiid min sosiála vealaheami eastadandoaibmaplánii johtolatsuorggis. Mihttomearri lea ásahit plána mii lea sihke deaivil, konkrehta ja geatnegahtti buot beliide sosiála vealaheami barggus. Dál čorgegoahtit bargoeallima, lohká Johtalusministtar Jon-Ivar Nygård (Bargiidbellodat).
Mannan bearjadaga deaivvadedje johtalusdepartemeantta ja Bargo- ja searvadahttindepartemeantta aktevrrat johtolatsuorggi, fágaservviid, johtolatealáhusa ja golmmaoasat johtolatsuorgeprográmma ásahusat, vai gávdnet čovdosiid.
– Johtolatsuorggis barget máŋga duháha olbmo miehtá Norgga. Sis galgá maid leat oadjebas dilli barggus. Ráđđehusa ulbmil lea bissehit bargiid geat lobihuššet Norgga geainnuin ja mii áigut ráhkadit sierra doaibmaplána eastadit sosiála vealaheami johtolatsuorggis, lohká Bargo- ja searvadahttinministtar Hadia Tajik preassadieđáhusas.
Doaibmaplánas leat dát oasit: Njuolggadusat. Nannet bearráigeahčču ja dárkkisteami. Diehtojuohkin ja diehtojuohkinlonohallan. Riikkaidgaskasaš ovttasbargu. Nannet golmmaoasatovttasbarggu ja ásahusaid ovttasbarggu. Rekruteren- ja gelbbolašvuođalokten.
– Mii áigut iskat buot osiid johtolatsuorggis ja bovdet buot beliid, sihke johtolatsuorggis ja eiseválddiin, buktit jurdagiid dasa. Lea dárbu oažžut sadjái deaivilis doaibmaplána mii eastadivčče sosiála vealaheami johtolatsuorggis, lohká Nygård.
