Suoidnemánu 1. beaivvi rájes ii leat šat lohpi láddet el-biilla el-čuggestagas. Ođđa iskkadeapmi čájeha ahte dušše 40 proseantta sis geat láddejit barttas geavahit láddenbovssa.
Lea ovdal leamaš ávžžuhus ahte ii ládde dábálaš el-čuggestagas, muhto dál lea njuolggadus ahte galgá sierra láddenboksa. Vaikko njuolggadusat gusket ođđainstallašuvnnaide, de ávžžuhit Brannvernforeningen ja Tryg Forsikring buohkaid bidjat sierra láddenbovssa go láddejit el-biilla.
– Go ládde biilla láddenbovssas mii lea biddjon rievttes láhkai, de unnu buollinvárra. Ávžžuhat buohkat dušše geavahit láddenbovssaid mat leat dohkkehuvvon, leaš dal ruovttus dahje barttas, dadjá Mari Bræin Faaberg, Brannvernforeningen ossodatjođiheaddji.