– Odne lea morašlaš beaivi, Norgga Stuorradiggi lea dohkkehan evttohuvvon Deanu guolástansoahpamuša Sámedikki nana ja čielga vuostálastimis fuolakeahttá, celket Norgga ja Suoma Sámedikkit.
– Odne lea morašlaš beaivi, Norgga Stuorradiggi lea dohkkehan evttohuvvon Deanu guolástansoahpamuša Sámedikki nana ja čielga vuostálastimis fuolakeahttá, celket Norgga ja Suoma Sámedikkit.
Soahpamušas ii leat báikkálaš- iige sámeservodagaid doarjja, ja dat rihkku sámiid olmmošvuoigatvuođaid mearkkašahtti láhkai, čállá Sámediggi ruovttusiiddus.
– Mii leat garrasit behtton ráđđehusaide ja álbmotlaš parlameanttaide, go dain váillui dáhttu ja jáhkku gávdnat politihkalaš čovdosa áššái, nu ahte livčče gullan Sámedikkiid ja sámeservošiid, geaidda ášši guoská, dieđiheaba Suoma Sámedikki ságajođiheaddji Tiina Sanila Aikio ja Norgga Sámedikki presideanta oktasaš preassadieđáhusas.
Eará eamiálbmogiin bivdiba veahki
Vibeke Larsen ja Tiina Sanila Aikio lohkaba ráđđehusat eai leat lihkostuvvan gávdnat politihkalaš vuogádagaid bokte čovdosa.
– Ášši boahtá čovdojuvvot Norgga ja Suoma duopmostuoluin, ja juridihkalaš perspektiivva dáfus mii leat sihkkarat ahte sámiid olmmošvuoigatvuođat bohtet loahpas leat guovddážis, cealkiba Larsen ja Aikio, geat dál áiguba bivdet máilmmiviidosaččat doarjaga organisašuvnnain ja eará eamiálbmogiin.
Dál bivdá Norgga ja Suoma Sámediggi máilmmiviidosaččat doarjaga riikkaidgaskasaš organisašuvnnain ja eamiálbmotvieljain ja -oappáin joatkin dihtii dáistaleami Deanu guolástansoahpamuša vuostálastima dihtii, čállá Sámediggi.
