Smávva láddjenrobohta mii ládje šillju dan bottu go leat barggus dahje go oađát lea šaddan bivnnut maŋimuš jagi. Muhto suollagiid gaskkas leat dat maid šaddagoahtán bivnnuhat .
– Mii vuohttit ahte eanet ja eanet robohtaláddjenmašiinnat, dahje robohtasávzzat nu movt mun liikon daid gohčodit, suoladuvvojit. Ovtta dain maŋimus dáhpáhusain lei robohtasávza šaddan dego lagas bearašmiellahttu. Lei moraš ruovttus, mánáin lei váivi ja ledje heŋgen ohcalan-plakáhtaid gáhtii go láddjenmašiidna fáhkka lei jávkan, muitala Tryg Forsikring eastadanáššedovdi Øyvind Setnes.
Álki vuovdit
Gávdnojit máŋggalágan robohtaláddjenmašiinnat ja divrasamosat sáhttet máksit nu olu go 20 000 ruvnnu.
Olu robohtaláddjenmašiinnain leat iežaset láddenstašuvdna gosa vudjet go báhtter nohkkogoahtá rávnnjis.
Ballá liggenpumppat maid šaddet bivnnuhat
Dánmárkkus leat dán geasi registreren ahte liggenpumppa suoládeapmi lea mealgat lassánan.
– Mii ballat dát dáhpi leavvá Norgii maid. Suollagat ohcet divrasamos liggenpumppaid. Eatnašat suoláduvvojit ovdalgo biddjojit dállui. Muhto leat maid oaidnán Dánmárkkus ahte suollagat maid suoládit dábálaš áibmo áibmo liggenpumppa olgooasi mii lea dábálamos Norggas. Dan skruvestit eret, čuohpastit bohcci ja elrávnnji ja loktejit dan biilii ja báhtarit, lohká Setnes.
Son ávžžuha buohkaid čálistit liggenpumpa serienummára.
