Skábmamánu 22. beaivvi giddii Álttá suohkan uvssaid gallededdjiide fuolahusguovddážis.
Álttá suohkan čállá preassadieđáhusas ahte odne, juovlamánu 2. beaivvi, heaittihii suohkan gildosa galledeamis fuolahusguovddáža. Suohkan bivdá ain buohkaid geat fitnet geavahit njálbmesuoji.
Covid-19 njoammuma dihte lei Álttá suohkan mearridan álggahit gaskaboddosaš gildosa galledeamis Álttá fuolahusguovddáža dassá suohkanis lei buoret oppalašgovva njoammumis.
Suohkana neahttasiiddu loguid mielde, mat leat ođasmahtton juovlamánu 1. beaivvi, ledje 12 ođđa njoammuma duođaštuvvon maŋimuš jándoris. Dál leat 57 olbmo isolašuvnnas.
