Dál beasat lobálaččat gávppašit reseaptadálkasiid neahtas. Gaskavahkku rájes lea lohpi jođihit neahttaapotehka Norggas.
Dál beasat lobálaččat gávppašit reseaptadálkasiid neahtas. Gaskavahkku rájes lea lohpi jođihit neahttaapotehka Norggas.
Dearvvašvuođa- ja fuolahusministtar Bent Høie rabai gaskavahkku virtuála rahpama.
Ávkkálaš boaittobeale olbmuide
Olbmuide galgá šaddat álkibun oažžut dálkasiid, muhto maiddái galgá šaddat váddáseabbon diŋgot dálkasiid olgoriikkas mat eai leat lobálaččat Norggas.
– Dát fálaldat lea ávkkálaččamus sidjiide geat orrot boaittobealde ja lea guhkes mátki lagamus apotehkii, dadjá Høie.
Reseaptadálkasiid diŋgon lea ođas
Neahttaapotehka lea guhká jo doaibman. Ođas dál lea ahte lea vejolaš diŋgot dálkasiid mat leat reseaptas.
Doavttir čállá e-poastta apotehkii nu movt lea ovdal dahkan, muhto pasieanta sáhttá ieš diŋgot dálkasiid neahttaapotehkas ja oažžut daid ruoktot dahje ieš viežžat daid poasttas.
– Neahttaapotehka lea digitaliserejuvvon gitta olbmuid viesu rádjái, ja seastá ássiid áiggi hušas árgabeaivvis, muitala dearvvašvuođaministtar.
Galget addit dieđuid
Apotehkas lea geatnegasvuohta addit dieđuid dálkasiid birra ja movt riekta geavahit dálkasiid. Seamma geatnegasvuohta lea go olbmot diŋgojit dálkasiid neahta bokte.
– Mii leat gealdagasas movt gulahallan lea olbmuid ja apotehka gaskkas, dadjá ossodatjođiheaddji Jørgen Huse Aftenpostenii. (©NTB)
