Dánmárku lea mearridan ahte Norgga golmma davimus fylkka olbmot besset mátkkoštit Danmárkui nu ahte eai dárbbaš erremii.
Rievdadus guoská gaskavahku rájes go Danmárkku ráđđehus mearridii ložžet olu mátkegáržžidemiid.
Vaikke dánskalaččat rahpet mátkkiid osiide Norggas nu ahte eai dárbbaš erremii, de fertejit buohkat geat bohtet Danmárkkus Norgii fas erremii.
Olbmot geat mátkkoštit Dánmárkui Islánddas, Austrálias, Ođđa Selánddas, Singapores, Lulli-Koreas ja Thaieatnamis maiddái garvet errema.
Mannan vahkku lei eanetlohkku Álbmotdikkis ovttaoaivilis ložžet mátkegáržžidemiid ceahkálaččat geassemánu loahpa rádjai.
Maŋimuš ceahkki galggašii guoskat geassemánu 26. beaivvi rájes. Dalle galgá EU ásahit koronapássa, mii mearkkaša ahte buohkat, geat leat vaksinerejuvvon dahje leat negatiiva koronaiskosa ožžon, besset mátkkoštit Eurohpás geasseluomus.
(©NTB)
