Dán giđa mielde galget 240 000 joatkkaskuvlla ja 10. luohkáid oahppit čađahit 275 000 eksámena 408 iešguđet fágas.
Ihttin de lea dat beaivi maid olu 10. luohkáid oahppit dáidet vuordán. De besset Norgga skuvllaid 10. luohkáid oahppit gullat guđe fágas sii galget váldit eksámena.
Miessemánu 15. beaivi lea fas beaivi man joatkkaskuvllaid oahppit dál vurdet. De besset sii gullat šaddet go váldit eksámena ja guđe fágas sii galget váldit eksámena.
21 000 oahppi
10. luohkáid vuosttaš eksámenbeaivi lea miessemánu 16. beaivi.
Dan beaivvi lea eksámen sis guđet galget matematihkas váldit eksámena.
Leat oktiibuot 21 000 oahppi geat galget matematihkaeksámena váldet dán giđa.
Dasto leat eksámenat iešguđet fágain gitta geassemánu 5. beaivvi rádjái.
Dán dieđiha Oahpahusdirektoráhtta.
Dat stuora eksámenbeaivi
Beaivi masa olu joatkkaskuvllaoahppit šaddet ráhkkanišgoahtit lea miessemánu 25. beaivi.
Dan beaivvi galget oktiibuot 50 000 joatkkaskuvllaoahppit čađahit dárogieleksámena.
