– Dájuhangažaldat bat leige

1. Mii lea katekehta?

– Báhpa reaŋga. In máhte detálja dásis čilget, muhto dat veahkahallá rihppaskuvllas. Riekta!

2. Vearba sodjá áiggiid mielde. Okta áigehápmi lea preseansa/dálááigi, mat leat dat eará?

– Vássánáigi ja… In mun gal diehtán eambbo dies gal. Riekta!/Boastut!

Rievttes vástádus: Preterihtta/vássánáigi, perfeakta ja pluskvamperfeakta.

3. Joatkke dálkediidda: «Jus beassášlávvordaga lea arvi dahje šlahtti ja vel suhkkes albmi…»

– Fiinna dálki šaddá dan mánnodaga. Boastut

Rievttes vástádus: «…dalle šaddet valjit eananšattut ja mearraguolit.»

Go Hætta ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Hætta vállje alit ivnni, ja mii jearrat sus dán gažaldaga:

Muhtun mánuin leat 30 beaivvi, ja earáin fas leat 31 beaivvi. Galli mánuin leat 28 beaivvi?

– Dat ii leat gal eambbo okta. BOASTUT

Rievttes vástádus: 12 (buot mánuin leat 28 beaivvi)

– Oja dájuhangažaldat bat leige, boagusta Hætta.

Galle čuoggá oktiibuot:1,5 čuoggá

Juohke gilvaleaddji beassá hástalit ođđa gilvaleaddji Ávvira geassegilvui. Odd Arne Hætta hástala Anders Eivind Eira searvat gilvui.