-Almmuhus-
OĐĐASAT– Dáinna mearrádusain badjelgeahččá stáhta mu

– Dáinna mearrádusain badjelgeahččá stáhta mu

-

-

Fála orohaga nuorra boazodoallái lea otná beaivvi dikkis leamašan lossat.

– Lea nu lossat čohkkát dás, leat nu badjelgeahččan mu dáinna mearrádusain, lohká Jovsset Ánte Sara.

Fálá orohaga nuorra siidaoasseeaiggáda, Jovsset Ánte Sara, mielas lea otná beaivvi Sis-Finnmárkku diggegottis leamašan lossat. Son imaštallá mo ráđđehusadvokáhtta sáhttá oaivvildit ahte son birgešii 75 heakkain seamma bures go 116 heakkain.

– Son meine mus galget leat 75 heakka, ja vel eanet imaš lea ahte mu boazologu oaivvilda galgá bissut dán logus. Lea ártet go earát galget mearridit boazologu guvlui gosa mu áddjá lea boahtán vuosttaš olmmožin, ja gos mu áhčči lea bargan bohccuiguin. Boazoeaiggát galgá sáhttit reguleret iežas boazologu nu go agibeaivvi leat boazosápmelaččat dahkan. Mus ii oro dál dat vuoigatvuohta Norgga lágaid mielde, lohká Jovsset Ánte Sara maŋŋel vuosttaš beaivvi dikkis.

 

Rohkadallá

Sara oaivvilda stáhta eiseválddiid sáhttit vaikko maid mearridit iežaset lágaiguin, juste nu mo sidjiide heive buoremusat.

–Lágat leat Norggas, muhto daiguin orru maid sáhttimin dahkat mearrádusaid mat leat badjelbávtte, lohká Jovsset Ánte Sara.

 

Jovsset Ánte lohká iežas rohkadallat ahte stáhta ii galggašii sáhttit badjelgeahččat su vuoigatvuođaid.

-Ii dat guoská dušše munnje, muhto ollusiida.

– Lea lossat čohkkát dás, leat nu badjelgeahččan mu dáinna mearrádusain.

 

 

Duvdet ovddasvástádusa

 – Mun oaidnán dál ahte stáhta duvdá ovddasvástádusa eret go čujuha boazodoalu siskkáldas iešstivrejupmái ja dan orohaga siskkobealde galget soahpat boazologu siidaosiide. Dat lea mu mielas dakkár vuohki mainna dagahit riidduid orohaga siskkobeallái. In sáhte dohkkehit ahte dahkat mearrádusaid maid lobálašvuođa ii sáhte iskat, lohká Jovsset Ánte.

Jovsset Ánte Sara lea odne čilgen Sis-Finnmárkku diggegoddái man dehálaš boazodoallu leat sutnje ja goas son oaččui boazomearkka.

-Almmuhus-