Sudno dáidda lea oidnosis guovdu Romssa gávpoga, ja ihttin galgá dat gárvánan.
Graffitidáiddárat Anders Sunna ja Linda «Zina» Aslaksen leaba ikte álggahan iežaska graffitidáidaga mii galgá ihttin leat gárvvis.
Guovdu Romssa gávpoga torgas lea sudno dáidda oidnosis.
Linda «Zina» Aslaksen muitala ahte olbmot leamašan sáhkkit ja ollosat leat vuoruhan bissánit ja háleštit.
– Olbmot lea hui sáhkkit ja gažadit mii lea duogáš go letne dás, lohká Linda «Zina» Aslaksen.
Doarjuba
Sunna ja Aslaksen leaba oassi «Pile O Sápmi» dáiddadoaluin gávpogis dán vahku, ja doaluid ulbmil lea čalmmustahttit ja doarjut nuora boazodoalli, Jovsset Ánte Sara, gičču Norgga stáhta vuostá.
Dáiddárat álgiiga dáidagiin oktanis go diggi álggii distaga.
«Pile O Sápmi» lea dáiddaprošeakta mainna dáiddár Máret Ánne Sara čalmmustahttá vieljas gičču Norgga stáhta vuostá.
