Boazosápmelaččaid goaskin vahágiid duođašteamit filmmaiguin ja govaiguin leat addán bohtosiid, go dál lea Stuorradikki eanetlohku dáhtton ráđđehusa jođánit unnidit boraspire- ja goaskin vahágiid.
Boazosápmelaččaid goaskin vahágiid duođašteamit filmmaiguin ja govaiguin leat addán bohtosiid, go dál lea Stuorradikki eanetlohku dáhtton ráđđehusa jođánit unnidit boraspire- ja goaskin vahágiid.
– Mii leat mearridan ahte gonagasgoaskimat galget báhččot unnibun, nu ahte dan ektui ii galgga leat eahpádus šat, lohká Stuorradikki ealáhuslávdegotti áššejođiheaddji Laila Davidsen (Olgešbellodat).
– Dál oažžu báhčit 113 goaskinbárra ja ain leat siskkobealde mihttu, ahte Norggas galget leat gaskal 850 ja 1200 goaskinbára, dadjá son.
– Surgadis govat
Stuorradikki ealáhuslávdegotti eanetlohku lea ge Boazodoallodieđáhusa olis odne cealkán, ahte eanetlohku lea vuorjašuvvon go boazosápmelaččat gillájit stuora vahágiid muhtun áigodagain.
Dán giđa leat ge ollu boazodoallit duođaštan goaskinvahágiid sosiálamediain govaiguin ja filmmaiguin main leat bealleheakkat ja goddon miesit maid goaskimat leat gaikkodan.
– Govat ledje dehálaččat fuomášuhttit man váttis dilis boazosápmelaččat leat, lohká Davidsen.
Son jáhkká govat leat ággan leamaš mearrádussii.
–Dajan duhát giitu govaid ja filmmaid ovddas, go dat leat váikkuhan mearrádussii maid mii leat ealáhuslávdegottis odne mearridan, dadjá Davidsen.
(Ášši joatká gová vulobealde)
ahte Norggas gierdá garrasit unnidit gonagasgoaskinhivvodaga.
Govven: Jarle Mjøen/Altaposten
Ieš maid juohkán
Iežas maid lohká juohkán iežas facebook siidui dađis daid govaid ja filmmaid gaikoduvvon misiin.
– Leat surgadis govat maid boazosámit leat juohkán sosiálamediain, muhto jurddašin ahte lulli-norgalaččat fertejit daid gierdat oaidnit, go boazosámit goit šaddet daid ohcat ja gávdnat juohke beaivvi. Danne lean mun maid juohkán dáid govaid, dadjá Laila Davidsen.
Ovttasráđiid boazosápmelaččaiguin
Stuorradikki ealáhuslávdegotti eanetlohku oaidná ge dál dárbbu bidjat doaimmaid johtui, vaikke muhtun oassi vahágiin buhtaduvvojit ruđalaččat, de aŋkke oidnet dárbun čielgasit fuomášuhttit ahte ferte easttadit boranávdefallehemiid.
Ealáhuslávdegoddi čujuha dasa, ahte máŋggat orohagat rahčet dál stuorra boraspirevahágiiguin.
Danne dáhttot ráđđehusa jođánit váikkuhit, ahte eiseválddit ovttasráđiid boazosápmelaččaiguin unnidit boraspire- ja goaskinvahágiid.
Jávkkadit borrit guohtonelliid guovlluin
Stuorradikki ealáhuslávdegotti eanetlohku maid dáhttu ráđđehusa ođđasit guorahallat guovlluid mat leat vuoruhuvvon boranávddiide ja guohtonelliide.
Boranávdesoahpamušas lea ge šihtton, ahte muhtun guovlluin galget vuoruhit boranávddiid ja eará guovlluin ges guohtonelliide.
– Lea Stuorradikki duohken ođđasit geahčadit boranávdesoahpamuša mii ii leat doaibman, lohká son.
Davidsen čilge iežas oainnu.
– Mu oaidnu lea dat, ahte guohtonguovlluin eai oba galgga ge boraspiret, dadjá Olgešbellodaga stuorradiggeáirras Laila Davidsen, gii lea dán áššis áššejođiheaddjin.
Fuođđariid sihkarastit
Dat giđđa ja guottetáigi lea maid leamaš erenoamáš váttis boazodollui goavvi giđđa geažil.
Dan olis dáhttu Stuorradiggi maiddái ráđđehusa sihkarastit boazodollui fuođđariid heajos guohtumiid geažil
