Norsk Friluftsliv ávžžuha váldit atnui áppaid mat sáhttet leat anolaččat go mátkkoštat.
Oktasaš olgoáibmoeallin organisašuvdna Norsk Friluftsliv ávžžuha nuvttá áppaid maid sáhtát mátkái váldit mielde.
– Geasseáigodagas lea olgoáibmoeallin guovddážis, ja mátke-áppat sáhttet veahkkin oažžut eambbogiid mannat olggos! Fertet gal muitit goitge ahte it sáhte jur visot álo luohttit teknologiijai. Don it dieđe goasse goas batteriija nohka dahje goas ii gokčás gulahallan, deháleamos lea álo leat jierbmálaš, lohká Norsk Friluftsliv gulahallanráđđeaddi, Linn Elise Jakhelin preassadieđáhusas.
14 nuvttá áppa:
• UT.no Den Norske Turistforeningen mátkeplánejeaddji áppas gávnnat badjelaš 12.000 mátkeevttohusa ja 1.200 bárta miehtá riikka. Mátkkit leat merkejuvvon dásiid mielde, ja sáhtát maid geahččat juogo vázzin vai sihkkelmátkkiid.
• GodTur
Dán áppas gávnnat iešguđet kárttaid ja mátkeevttohusaid olles riikkas, maiddái oppalašgeahčestat eará olgoáibmodoaimmain nu mo govddiid, vuojadanbáikkiid, rabas bárttaid ja bisánanbáikkiid.
• Hvor?
Kártadoaimmahaga offline mátkekárttas sáhtát nuvttá viežžat Norgga topografiijalaš váldokártaráiddu «Norga 1:50 000».
• Norgeskart friluftsliv
Kárta Statens Kartverkas, nu ahte deaivvat juohke guvlui. Doppe oainnat sihke topografiijalaš kártta, iežat kártta ja mearrakártta.
Guobbarat ja oaggun:
• Digital soppkontroll
Jeara govain guobbariid birra , de oaččut vástádusa guoppar čehpiin Norgga Guoppar- ja šaddosearvvis, dan birra lea go guoppar man sáhttá borrat, vai ii.
• NJFF
Oppalašgeahčestat eanemus dovddus guliin, sihke mearraguliin ja sáivaguliin, ja doppe leat maid cavgileamit sevttiid birra. Das lea maiddái oppalašgeahčestat oaggunbáikkiin ja fanasbáikkiin olles riikkas.
Olles bearrašii:
• Kul Tur
Dan somás áppas besset mánát gaskal 4-12 jagiin čallit iežaset mátkkiid ja mátkeguhkkodagaid, ja čoaggit čuoggáid mátkkiin!
• Google Sky Map
Dás beasat kártet almmi. Geige telefovnna násttiid guvlui ja de beasat oaidnit mii du bajábealde rievtti mielde lea.
• Stolpejakten
Vuolgge čohkket stoalppuid iežat lagas birrasis! Buorre vuohki fuobmát báikkiid du lahka. Stolpejakten heive sihke nuorabuidda ja boarraset olbmuide, ja lea maiddái heivehuvvon doaimmashehttejuvvon olbmuide.
• Viltappen
Svenska Jägerförbundet áppa sidjiide geat leat luondduberošteaddjit. Viltappen buktá dieđuid elliid birra maid sáhtát oaidnit, gullat, dahje makkár luottaid sáhtát gávdnat. Heivvolaš jus áigu ohcat elliid luottaid mánáiguin.
• Geocaching
Internašuvnnalalaš doaibma mas sáhtát geopoasttaid ohcat, heive buot agiide. Áppa čájeha luotta ja veahkeha álggahit ohcama.
• Trimpoeng
Álkes mátkegilvu mii addá mátkemovtta! Searvva gilvvuide lagasbirrasis, ja manne ges it ráhkat iežat gilvvuid maid?
• Postkassetrimmen
Áppa mii dahká várremátkkiid suohttaseabbun! Lasit dieđuid ja čoakke poeaŋŋaid iežat mátkkiin, ja gilval sihke iežat ja earáid vuostá.
Heahti?
• Hjelp 113:
Jus heahti lea de lea Norgga Áibmoambulánsa veahkkái! Jus áppa čađa riŋge heahteguovddážii, áppa juohká automáhtalaččat du koordináhtaid. Appas leat maiddái dieđut gos Norggas gávnnat váibmovuolggamašiinnaid.
