-Almmuhus-
-Almmuhus-
OĐĐASATDáhttu heaitit dutkamis goaskimiid ja baicce báhčigoahtit daid

Dáhttu heaitit dutkamis goaskimiid ja baicce báhčigoahtit daid

-

-

Norgga Boazosápmelaččaid Riikkasearvi (NBR) fuolastuvvá go olu orohagain leat lassánan goaskinvahágat.

 – Boazodoalus leat guhká diehtán ahte gonagasgoaskimat goddet misiid, dán leat maid varas dutkamat duođaštan. Danne leat mis doarvái dieđut nu ahte sáhttit lávket dutkandásis praktihkalaš daguide. Dál ferte jođánit ásahuvvot hálddahus mii eastada ahte miesit goddojit goaskimiidda ja boazodoallit fertejit oažžut vejolašvuođa báhčit gonagasgoaskimiid guotteteatnamiin, dadjá NBR jođiheaddji Ellinor Marita Jåma preassadieđáhusa bokte.

 

Jåma oaivvilda ahte dálá boraspirehálddahusas vuđolaš váttisvuohtan go boazodoalu máhttu maid leat vásáhusaid bokte háhkan, ii vuhtii váldo.

 – Dat lea okta sivain dasa go goaskinnálli lea laskan. Dát ii guoskka dušše gonagasgoaskimiidda muhto maiddái mearagoaskimiidda, dadjá Jåma.

 – Goaskimiid speadjamat leat ollen dál nu duođalaš dássái ahte mii dáhttut čoahkkima Birasgáhttenministariin jođánepmosit, loahpa Jåma.

 

-Almmuhus-