Eambbosat galggaše beassat bivdigoahtit gonagasreappáid. Dál lea ráđđehus sádden árvalusas gulaskuddamii.
Buot Finnmárkku gullevaš mearrafatnasat galggaše fátmmastuvvot dálá gonagasreabbábivddus, árvala ráđđehus.
– Eanet Oarje-Finnmárkku bivdit galggaše oažžut bivdinlobi dahje galggaše buot fylkka bivdit fátmmastuvvot dálá earrebivdui. Mii leat sádden árvalusa gulaskuddamii, dadjá guolástusministtar Harald T. Nesvik.
Alla árvu
Gonagasreabbá johtá bures ja das lea buorre dienas.
Gonagasreabbábivdu lea guolásteddjiid liigedienas ja bivdoeari dievasmahttet moatti vahkkus.
– Jus lassi Finnmárkku fatnasat beasaše bivdit, de lea dienas ain buorre ja seammás ožžot eambbosat oasi dán dietnasis, lohká Nesvik.
