Davvi-Norggas ja Oarje-Norggas lei heajos dálki ja stoarbma mannan vahkku. Tryg Forsikring lea ožžon 128 dieđu dálkki oktavuođas.
118 dieđuin leat vahágiid birra gittaopmodagas dahje visttiin, dieđiha fitnodat. Logi dieđu leat biilavahágiid birra.
86 gittaopmodatvahága leat Nordlánddas, Romssas ja Finnmárkkus, 30 leat Vestvågøy gielddas, Lofuohtas.
– Oktiibuot rehkenastá Tryg buhtadusgoluid leat badjel 8 miljovnna ruvnnu, muhto vásáhusaid mielde sáhttá dat rievdat go vahágat dutkojuvvojit dárkilabbot. Mii vuordit maid oažžut eanet vahátáššiid čadnon heajos dálkái, čállá fitnodat.
(©NTB)