-Almmuhus-
-Almmuhus-
OĐĐASATDáhkádus­fitnodat: – Ii fal ihkku bassat bikta­siid iige gohpuid

Dáhkádus­fitnodat: – Ii fal ihkku bassat bikta­siid iige gohpuid

-

-

Iskkadeapmi čujuha ahte olbmot dávjá geavahit bassaladdanmašiinna, bivttasgoikadanmašiinna dahje lihttebassanmašiinna dan botta go leat oađđime dahje eai leat ruovttus. – Dat sáhttá leat sorbmin. Jus mašiidna buollá, de lea dehálaš fuobmát buollima jođánit, várre Codan dáhkádusfitnodat.

Codan dáhkádusfitnodat čállá ahte Norstat lea čađahan iskkadeami sin ovddas. Iskkadeamis bohtet vástádusat man dávjá norggalaččat geavahit bassaladdanmašiinna, bivttasgoikadanmašiinna, lihttebassanmašiinna dahje eará mašiinnaid go sii leat oađđime dahje eai leat ruovttus. 47 proseantta vástidedje ahte sii hárve dahket dan, 53 proseantta ges vástidedje ahte dahket dan beaivválaččat dahje moddii mánus.

– Vaikko dábálaččat manná bures go geavaha daid mašiinnaid, de goitge šaddá báhkas go mašiinnat leat jođus. Jus de buollá, dalle berrešii jođánit fuobmát dan. Jus leat oađđime go buolligoahtá, dalle manná guhkit áigi ovdal go reageret ja de sáhttá šaddat váralaš buollin, dadjá Codan dáhkádusfitnodaga gulahallanhoavda Georg Richvoldsen.

Servodatsihkarvuođa ja gearggusvuođa direktoráhtta ráhkada statistihka buollima mat leat viesuin viessomašiinnaid dihte. Statistihkas čujuha ahte dán jagi leat guhtta buollima álgán mašiinnaid dihte. Diibmá ges álge 104 buollima. 

-Almmuhus-