– Dá leat beare váttis gažaldagat

1. Mii lea erenoamáš Čakčadássebeivviin, čakčamánu 23. beaivvi?

– Mii lea erenoamáš? Mun in gal dieđe.. Ii diesa máhte árvidit ge.

Rievttes vástádus: Čakčadássebeaivi lea idja ja beaivi seamma guhkki. Dadjet ahte jagi seavdnjadeamos idja lea dán beaivvis ja nu dat lea dan dihte go ii leat vel muohttán.

2. Man guhkkin sáhttá hávga šaddat?

– Ii dan gal dieđe. Dá leat beare váttis gažaldagat.

Rievttes vástádus: 2 mehtera

3. Maid mearkkaša sátnevájas:«Ii šat oarregazza gállui bastte»?

– In dien gal dieđe.

Rievttes vástádus: Mearkkaša ahte olbmos lea stuorra illu dahje losses moraš.

Go Hætta ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Utsi vállje ruoná ivnni ja mii jearrat sus dán árvalusa:

Gii manná meara ja váriid badjel, muhto ii oktage oainne su?

 – Dat gal lea biegga.

Galle čuoggá oktiibuot: 5 čuoggá

Juohke gilvaleaddji beassá hástalit ođđa gilvaleaddji Ávvira geassegilvui. Inga Risten Hætta ii áiggo hástalit ovttage.

 – In mun dál fuomáš ovttage.