-Almmuhus-
-Almmuhus-
KULTUVRA Dá lea ávvo­jagi vuosttaš čájál­mas lea 

Dá lea ávvo­jagi vuosttaš čájál­mas lea 

-

-

Boahtte jagi deavdá Sámi Našunálateáhter Beaivváš 40 jagi ja ávvojagi vuosttaš álgočájálmas lea Mikael Niemi romána «Guovžža vuoššat» (Koke bjørn) 

Dán lea Leif Stinnerbom dramatiseren teáhterii, ja son lea maid bihtá bagadalli.

Álgočájálmas lei plánejuvvon leat guovvamánu 6. beaivvi Det Norske Teatret báikkis, Oslos, muhto dál leat Sámi Našunálateáhteris mearridan ahte pandemiija ja dasa guoskevaš eahpesihkarvuođaid geažil ii šatta nu.

«Guovžža vuoššat» šaddá baicca stuora olgočájálmas. ja álgočájálmas lea Guovdageainnu gilišiljus guovvamánu 26. beaivvi.

– Mii leat dál ráhkkaneame álgit «Guovžža vuoššat» geahččalemiiguin, ja skábmamánu gaskkamuttuin álget ge neavttárat ja bagadalli hábmet bihtá. Ii leat gal vuosttaš geardde go Sámi Našunálateáhter Beaivváš ráhkada olgočájálmasa, muhto lea vuosttaš geardde go bagadalli galgá bagadit neavttáriid digitálalaččat, dieđiha Sámi Našunálateáhter Beaivváš sin preassadieđáhusas.

«Guovžža vuoššat»

Kengis gilážis Davvi Ruoŧas geasset 1852’s. Báhppa Lars Levi Læstadius vuoiŋŋalaš moriidus leavvá nannosit sámeálbmoga guovdu ja Duortnusleagi olbmuide. Maiddái Jussi fáhtehallá. Son lea muhtin ravkkes sámebárehuoš maid báhppa árpmihii luoddaguoras, ja válddii mielde ja gásttašii ođđasit. Dan seammás muhtin biigá šaddá láhppagassii dan gilážis, ja vel nubbi eará. Álbmogassii vulget bivdit dan guovžža maid sii navdet bahádahkkin, muhto báhppa gal navdá ahte olmmošgoddi dat baicca lea. Soai Jussiin gávdnaba bahávuoiŋŋa luottaid mat dađistaga bahkkejit lagabui.

Gáldu: Beaivváš Sámi Našunálateáhter 

Vejolaš vásihit

Go «Guovžža vuoššat» dál šadda olgočájálmassan, de dat maid mearkkaša ahte plánejuvvon čájálmasmátki ii čađahuvvo, nu eai skuvlačájálmasatge mat galge čájehuvvot Oslos ja maŋgga báikkis Romssas ja Finnmárkkus.

Muhto gehččiide šaddá liikká vejolašvuohta vásihit ̧«Guovžža vuoššat» olgočájálmasa maiddái eará báikkiin go Guovdageainnus, go mii leat maid pláneme ahte galgá čájehuvvot muhtin báikkiin Romssas ja Finnmárkkus. Buvttadus lea Sámi Našunálateáhtera ja Det Norske Teatret ovttasbargu.

-Almmuhus-