Sii háliidit váldit ovdan boasttuipmárdusaid mat leat boazodoalu birra servodagas. “Guorban eatnamiid myhta” lea okta fáttáin boazodoallosemináras.
Sámi Allaskuvla boazodoallobachelor studeanttat ja Dávggas bovdejit seminárii Diehtosiidii vahku geahčen, njukčamánu 19.beaivvi boazodoallodutkama birra.
Cuvket myhtaid
– Dán semináras leat čeahpes dutkit logaldallit. Viimmat leat min iežamet olbmot leamaš mielde diekkár dutkanprošeavttas ja dat dieđus dagaha ahte dutkojuvvo sápmelaččaid iežamet vuolggasajis dahje perspektiivvas. Leat ollu dutkanbohtosat almmuhuvvon maid dážat leat dutkan ja diekkár bohtosat leat ge dagahan myhtaid ja boasttujáhkuid boazodoalu birra buot olbmuide, dadjá boazodoallooahpu bacherlorstudeanta Sámi Allaskuvllas ja boazodoallopolitihkkár Berit Marie E. Eira.
Iešguđet logaldallit
Ivar Bjørklund galgá váldit ovan sámi máhtu ja dáža hálddašeami birra boazodoalus. Andrei Florin Marin ságastallá ges leago almenneha tragediija Finnmárkkus, boasttuipmárdusaid ja myhtaid birra boazodoalu resursageavaheami oktavuođas. Eira muitala ahte prográmma gal sáhttá ain rievdat.
