Guohtunealáhusat olles riikkas vásihit beaivválaččat váttisvuođaid maid ovttaskas borramušbuvttadeaddjit eai sáhte ieža čoavdit. Čuvgen dihte dili ja gávdnat čovdosiid, de lágiduvvo meahccekonferánsa.
Go ásahuvvojit stuora bartaguovllut ja tuvra- ja sihkkelastinbálgát, boraspiret ja luovosbeatnagat, beanavuoddjit ja go lea eará gilvaleaddji geavaheapmi guohtunguovlluin, de dat dagaha guohtunealáhusaide stuora nođiid.
Dáid váttisvuođaid sáhttá čoavdit dušše olu buoret ovttasdoaibmama bokte iešguđet beliid gaskkas geaidda dát guoská. Čuvgen dihte dili ja gávdnan dihte čovdosiid, de lea Norsk Bonde- Småbrukarlag ovttas organisašuvnnain Norsk seterkultur vuolggahan jurdaga lágidit meahccekonferánssa. Meahccekonferánssa lágiduvvo Gardermoenis gaskavahku skábmamánu 23. beaivvi ja duorastaga skábmamánu 24. beaivvi 2022. Sámedikki politihkalaš ráđđeaddi John Mathis Utsi searvá meahccekonferánsii, čállá Sámediggi.
