Politiijat šadde ikte eahket meannudit suhttan olbmo.
Finnmárkku politiijat dieđihit Twitteris ikte eahkes ahte sii leat šaddan mannat muhtun ásodahkii Leavnnjas gos okta gárrendievdu lei suhttan go ii beassan sisa.
Sii geat ásse ásodagas, eai háliidan dievddu sisa, ja danin eai luoitán ge su ásodahkii. Dat mielddisbuvttii ahte dievdu suhtai ja cuvkii máŋga láse ásodagas.
Politiijat čállet Twitteris ahte dievdu lei hui gárremiin, nu sii válde su mielde giddagassii, vai beassá nohkastit dassážii go ii leat šat nu suhtus.
