-Almmuhus-
SMÁVVAOĐĐASAT«Čuovga viesuid gaskka»  oažžu badjelaš 6 millijovnna ruvnno FeFos

«Čuovga viesuid gaskka»  oažžu badjelaš 6 millijovnna ruvnno FeFos

-

-

Finnmárkkuopmodat(FeFo) šaddá Finnmárkku spábbačiekčanbiire váldo ovttasbargoguoibmi.  Dan prošektii lea FeFo várren guhtta millijovnna ruvnnu 

 – Ovdal go FeFo ásahuvvui de manne Finnmárkku ruđat t máttás, dál bissot dáppe ja boahtá finnmárkulaččaide buorrin. Mii sáhttá leat buoret go háhkat ássan- ja orrunmovtta Finnmárkui. Dan sivas vuoruhat «Čuovga viesuid gaskka», dadjá FeFo direktevra Jan Olli preassadieđáhusas

 Finnmárkku gielddaid galledit

«Lys mellom husan», sámegillii jorgaluvvon «Čuovga viesuid gaskka»,  lea njeallje jahkásaš prošeakta maid Finnmárkku spábbačiekčanbiire  jođiha ja galgá olahit buot gielddaid Finnmárkkus. Konseapta huksejuvvo «Jakten på bolyst» prošeavttas, mii loahpahuvvui jagi 2021 ja galgá movttiidahttit eambbo olbmuid searvat eaktodáhtolašbargguide ja lasihit aktiviteahta.  

Juolludan ruhtalána

FeFo áigu dán jagi geavahit millijovnna ruvnnu prošektii. Badjelaš guokte millijovnna dáhttu FeFo stivra juolludit boahttevaš guokte jagi, jagi 2025 juolludit fas millijovnna ruvnnu. Oktiibuot juolluda FeFo badjelaš guhtta millijovnna ruvnnu «Čuovga viesuid gaskka»  prošektii. 

Borgemánu

Lassin leat vel dát ovttasbargoguoimmit prošeavttas; Trond Mohn, Davvi-Norgga Seastin-báŋku1, Romssa ja Finnmárkku fylkkagielda ja Finnmárkkubuohcciviessu.  Borgemánu dán jagi álgá «Čuovga viesuid gaskka» guossástallat gielddaid. Dat vuosttaš gielddat mat besset illudit «Čuovga viesuid gaskka» prošeavttain leat Porsáŋggu, Davvesiidda ja Deanu gielda.

 

-Almmuhus-