Olbmot, geat cuoŋománus galge váldit Norwegian-girdi Finnmárkui ja Finnmárkkus eará sadjái, ožžot dáid beivviid dieđu girdifitnodagas ahte sii heaittihit buot girdimátkkiid.
Norwegian Jacobsson preassaovddasvástideaddji Charlotte Holmbergh dieđiha ahte sivvan dasa lea gáržžideapmi iešguđet sajiin máilmmis ja lea unnit jearru mátkkiide Covid-19 dili dihte, čállá iFinnmark.
– Mis dađi bahábut ii leat válljenmunni dan dilis, dadjá son.
SAS fitnodaga Dánskka preassadieđiheaddji Sille Beck-Hansen oaččui gažaldaga heaittihuvvojit go SAS girdimátkkit cuoŋománus. Son vástida ahte SAS ii geahča guhkit go vahkku ovddos.
Widerøe doalaha girdimátkkiid Finnmárkui cuoŋománus, nu go lei šiehtaduvvon Johtalusdepartemeanttain.
(©NTB)
