«Čuollogeađgi» jietnaskearru lea ráhkaduvvon «Čuollogeađgi» čájálmasa vuođul mii čájehuvvui 2003:s. CD mas leat divttat, luohti ja musihkka.
«Čuollogeađgi» jietnaskearru lea ráhkaduvvon «Čuollogeađgi» čájálmasa vuođul mii čájehuvvui 2003:s. CD mas leat divttat, luohti ja musihkka.
Odne almmuhuvvo «Čuollogeađgi» CD Álttá Sámi Musihkkavahkkus. Go poehtas, juoigis ja golmma musihkkaris lea juoga muitalit. Konsearta lágiduvvo odne mii galgá leat doarvái fámolaš ahte ligge vaikko gean dálvebuollašis, muitala lágideaddji Sámi Musihkkavahkku doaluid birra.
Leat divttat maid Inga Ravna Eira lea čállán ja lohká jietnaskearrus mas luohti ja musihkka gullo. «Čuollogeađgi» prošeakta lei diŋgojuvvon čájálmas Guovdageainnu Sámi Musihkkafestivála diŋgojuvvon čájálmas 2003:s, ja dál almmuhuvvo CD hámis.
Miellačájáhussan
Divttat leat čállon miellačájáhussan eiseválddiid luondduhálddašeami vuostá. Boađus livččii soaitit leat earálágan jus eiseválddit livčče čuvvon álgoálbmogiid jurddašanvuogi. Divttat ávžžuhit olbmuid ohcalit eará árvvuid mat leat mielde rievdadeame min dili. CD teavsttat leat fas šaddan áigeguovdilin dálá dálkkádatrievdamiid dáhpáhusaid geažil. «Čuollogeađgi» galgá čájehit luotta.
Musihkka ja luohti
Musihka lea Patrick Shaw Iversen ráhkadan, ja luđiid leat Sara Marielle Gaup Beaska, Inga Juuso, Ánte Mihkkal Gaup ja John Henrik Eira ráhkadan. Lea Davvi Girji mii almmuha skearru.
Almmuhandilálašvuohta lea Álttás odne, gaskavahkku guovvamánu 3. beaivvi diibmu 21:00 City studeantaviesus.
GEAHČA OASÁŽA ČUOLLOGEAĐGGI SKEARRUS DÁS:
