Vaikke it jáhkáše, muhto čuoika sáhttá njoammudit dávddaid olbmuide.
Ruoŧas lea čájehuvvon ahte čuoika njoammuda njoammeldávdda, dan čállá sykepleien.no neahttasiidu.
Lea birrasiid 20 jagi áigi go čájehuvvui ahte čuoikkat njoammudit dávddaid.
Dat lea juo oahpes ášši ahte Afrihkás, ja eará guovlluin, njoammudit čuoikkat malariadávdda.
Dál lea maid Ruoŧa čuoika dakkár mii sáhttá njoammudit njoammeldávdda.
Njommon máŋgasii
Moadde čuođi olbmo borahallet njoammeldávdačuikii juohke jagi, ja eanas leat Gaska- ja Davvi-Ruoŧas.
Dutkit eai ipmir manne Ruoŧa čuoika lea dušše dakkár mii njoammuda.
2000-jahkelogus njoammuduvvo 500 olbmo njoammeldávdii.
Dálkkas ii gávdno, muhto antibiotika doaibmá bures bissehit njoammeldávdda.
